PHED-i rural bodies training sentong ayonga aka

Dimapur, Mongputeni/October 04 (TYO): DWSM aser PHED ketdangsürtem atema District level Rural bodies training ka PHED (Urban) Division-i ayongzüka state yimtiba Kohima nung kaogo. Iba sentong ya GIA/SFA scheme kübok RD Department-i senotsü teyari agüja aka.
Training ya session ana küma lemsar aka. Mezüngbuba session nung Er.Abinuo Peki (SDO) PHED-i SBM(G) & Health aser Sanitation dak ajemdaker jembi. Lai o jembiba mapang, Department-i Mongputeni/Oct. 02 nü Nagaland ya Open Defecation Free ta linük nükjidong 2019 küm matong tsüngda sangdongba ya takok tuluka lir, ta ashi. Iba sentong takok anguba ya nüburtemi teka amteper inyakba ajanga lir, ta laisa ashi.
Laisa ajak nem maongka agütsütsü mepeshiba den nüburtem dang kidang tzü connection agitsü ajungshi, kechiyong health & sanitation ya tzü peria alinung dang ataloktsü.
Sentong tanabuba nung Er. P. Khetoi Awomi (EE) PHED, Kma(U)-i Functions of WATSAN committee & Water Quality Monitoring & Surveillance aser Communitization dak ajemdaker jembi. Pai, Nagaland Communitization of Public institutions & Services Act 2002 ajanga Communitization mapa küma inyak tenzük aser iba kübok public utilities, public services; Water Supply nunger amala nung local authority tem State Govt. inyakyim nung shilem agitsü asoshi maongka agütsür, ta ashi. Paisa WATSAN committee kümtetba aser inyakyim rasaa ashi. Maneni pai, Officials & Staff tem dang nüburtem nem tajemtsü tzü temürek agütsütsü asoshi tzü jenjang jungjunga asadangtsü aser survey agitsü asoshi ajungshi. District ajak nung laboratory lir aser WATSAN Committee-i pei tata district HQ nung tzü tendangtsü asoshi department laboratory den tongteprateptettsü, ta ashi.
Iba sentong ya Er. John Kurian (JE) PHED, Kma(U) lenisüba kübok aka aser Khehoto Achumi(DAO) Kma(U)-i sarasadema sentong tembang.