Advisor, Wangnao-i Union Minister Naqvi ajuru

Kohima, Mongputeni/October 04 (TYO): Tanü Social Welfare, Home Guards & Civil Defence, Nagaland Advisor, Noke Wangnao den department ketdangsertemi Pt. Deendayal Antyodaya Bhawan, CGO Complex, Lodhi Road, New Delhi nung Minority Affairs Union Minister, Mukhtar Abbas Naqvi ajurua senden ka menogo, ta PRO(IPR), Nagaland House, New Delhi, Kuolie Mere-i sangdong ka ajanga metetdaktsü.
Senden nungji Advisor-i tang tashi nung state nung Minority Development atema inyakba mapatem osang metetdaktsüba den külemi pai Union Minister dang state nung Minority Welfare terenlok atema maneni yaritsü mepishi.
Advisor-i mepishiba langzüa Union Minister-i, state-i apply sütettsüsa schemes kar lir, iba denji külemi economic empowerment kübok state-i terenlok atema soft loans agitettsü, ta metetdaktsü.
Advisor Noke-i Union Minister dang pai state nung minority atema bilemja inyakba atema pelaba lemsatepa liasü.