Nagaland nung MR Campaign osang

Kohima, Mongputeni/October 05 (TYO): Nagaland nung Measles & Rubella vaccination campaign tanünübuba nung session 517 agia tanur 45,954 ayimjema liasü, ibaji bendenlokra tang tashi nung tanur ajak agi parnok 83,025 nem vaccine agutsüogo, ta ketdangsertem osang ka ajanga metetdaktsü.
Iba dak sendakba nung department-i MR vaccine agir tanur tsüraburtem dang pelar, iba denji külemi Administration, School Education Department aser Social Welfare Department-i maneni nungita amalitepa inyakba atema pelar, ta metetdaktsü.
Department-isa Yimpoksüi/November mezüngbuba hopta tashi MRVC agitsü, aser school nung iba vaccine magir tanur kar danga lira itemji outreach sessions aser mop-up sessions mapang ayimjemtsü, ta metetdaktsü.