Alokba dang Nagaland tensa mapang asüngdanger :

Tambur : Alokba, tanübo nü dangi asenok Nagaland tensa indang kar asüngdangdi ta sür arur ako…
Alokba : Oko, haija, sensaksemtsü atu.
Tambur : Tanü asüng tulurtemi benjongbentsü mesüra lokti senden balala nung tongti tesemdanger asütsü jaoker saka marutetter, ya kechiba marur aka?
Alokba : Oko, aji na parnok tejembitsü onük mali ajanga titemdaktsür.
Tambur : Alima nung tejembitsü onük paika yur kechiba parnokbo onükji malir aka aji?
Alokba : Jembibaji mapa küma meinyakteter aser ayong nung ango mali sür nung tzüyok aoba amai dang adi.
Tambur : Süra ano, Nagaland nung lenmang ya kechiba meyanglushir aka?
Alokba : Nagaland lenmang ajunga ya ayong maküm tashi meyanglutsü telemtetba agiogo.
Tambur : Joko, asükwa mapang arur aser benjong-a arutsü menungrar saka kechiba Dimapur amala nungbo benjong amungdangbo sentep mapang ya anü madokdang tenzükadoker?
Alokba : Tanü asüngbo benjong mapang sentep temer-ang telok, kiyonger, medemer aser kinünger party balala alir, ibajagi sentep mapangji akok tashi tekaratiba nung agiadoktsü meranger.
Tambur : Ano tatemsa ka asüngdangdi, Dimapur jila nung Traffic police tejak tasen aika dang angur, aser parnoki point nung nokdaker kechiba lenmang ka nungi aruya aliba gari maruma tashi teka dena ayipa ajar? Idangji tanga lenmang ana-asem nungi arur tubo ola adoka jashiteper?
Alokba : Oko, aji na parnok ajongbena VIP gari kar aru nungbo ta sür lenmangji ka ken ka ken ta merükteta atarbaja….
Tambur : Ano lemsateptsü aika lir, anungji mapang angu dang ka arua lemsatepdi…
                                                                                       Lilir : SMS