Camp atema U-23 asayar 13 jaokogo

New Delhi, Mongputeni/October 6 (Agencies): Tawa tembangba SAFF Cup nung shilem agiba U-23 asayartem maneni head coach Stephen Constantine-i national camp atema jaokogo, koba iba ita China den football friendly asayatsü aliba atema terenemshiba ka asütsü.
Iba team China den Mongputeni/October 13 nü Olympic Sports Centre Stadium nung asayatsü. Tang mezüngbuba national senior team China nung oa international asaya ka asayatsü renema lir.
Linük ana tsüngda 1997 küm tatemsa Nehru Cup, Kochi nung asayaa liasü.
Asayar 29 ya anogo 2 camp ka atema linük yimtiba nung ajuruteptsü aser parnok Mongputeni/Oct 10 nü China-i aotsü.
Taruba AFC Asian Cup UAE 2019 atema terenemshiba ka ama India team taruba ita tem nung international friendly kar asayatsü renema lir, koba tenüngdakba ka lir, ta coach-i ashi.
“China ya kanga tashi tait team ka lir aser iba asaya ya onok asoshi tetendangba ka asütsü. Ajisüaka onoki iba amala asaya nüngdaker. Pressure nung asayatsüji kanga tongtibang aser China nung away asayatsü aliba amala asaya ya onoki nüngdaker,” ta pai ashi.
“Aenjeti/Jan nung AFC Asian Cup atema renemshiba nung iba ya asaya tongtibang ka asütsü, anungji shinga meyirui alitsü imlar,” ta Stephen Constantine-i ashi.
Asayartem yamai alitsü:
Goalkeepers: Gurpreet Singh Sandhu, Vishal Kaith, Amrinder Singh, Karanjeet Singh
Defenders: Pritam Kotal, Sarthak Golui, Sandesh Jhingan, Anas Edathodika, Salam Ranjan Singh, Subhasish Bose, Narayan Das
Midfielders: Udanta Singh, Nikhil Poojary, Pronay Halder, Rowlin Borges, Germanpreet Singh, Anirudh Thapa, Souvik Chakraborti, Vinit Rai, Halicharan
Narzary, Bikash Jairu, Ashique Kuruniyan, Lallianzuala Chhangte
Forwards: Sunil Chhetri, Jeje Lalpekhlua, Balwant Singh, Sumeet Passi, Manvir Singh, Farukh Choudhary