CNTC-i AZ Jami asüba atema mangyimba osang lemsatep

Dimapur, Mongputeni/Oct. 07 (TYO): CNTC Media cell-i sangdong ka ajanga AZ Jami asüba atema mangyimba osang lemsatepogo.
“NSCN-IM nung senior kilonser, AZ Jami asüba atema Central Nagaland Tribes Council (CNTC)-i jashia mangyimer; tang ama tongtibang mapang ka nung AZ Jami asüba ya Naga nunger, talisa Lotha nunger atema takoksa tulu,” ta CNTC-i metetdaktsü.
“Naga nunger atema pai taküm piyong tenzükogo. Pa o nung tetangshi, aser kaketkeno zülur ka liasü. CNTC tentetba nung pai nungitbaji teti bilemtettsü,” ta parnokisa ashi.
CNTC-i mangyimer kibong züngsemtem den mangyim lemsateper, aser iba ama mangyim jashi mapang nung Tsüngremi parnok nem tesünep agujang ta sarasademtsür, ta kasa sangdong ajanga lemsatep.