AICC Secy. Nagaland incharge-i Mkg aser Tuensang semdangtsü

Mokokchung, Mongputeni/October 07 (TYO): Taoba mapang Minister aser tawa shimba AICC Secretary, Nagaland incharge, Pradyut Bordoloi-i Mongputeni/October 9-12 anogotem nung Mokokchung aser Tuensang na semdangtsü, ta DCC Mkg President, Watimongba Aier aser General Secretary (Admn), P. Alley nati sangdong ka ajanga metetdaktsü.
Pai district ana semdangba nükjidong ya district ana nung party jenjang asadangtsü aser item tesem nung party nung inyakertem den metetpelatsü atema lir; iba dak alia pai Public aser Tribal lenirtem ajurua senden amentsü, ta sangdong nung shia lir.
Pai semdangtsü aliba dak sendakba nung District Congress Committee, Mokokchung-i Mongputeni/October 10 anepdang 10:00 ako nungi party office nung executive senden ka ayongzükogo, aser iba senden nung Pradyut Bordoloi aser NPCC President, K.Therie nati jembitsü.
Iba dak sendakba nung district nung NPCC züngsemtem, Advisors, taoba mapang Congress MLA tem, District Congress Committee officials, District Mahila Congress Committee officials, constituency 10 nungi ACCC Officials, Kisan Cell, Seva Dal aser Congress meimertem ajak iba senden nung dena shilem agitsü mepishia metetdaktsür, ta kasa sangdong ajanga metetdaktsü.