Pele-i küm 38 sülen India semdangtsü

New Delhi, September 07 (Agencies): Brazil nunger football asayar mongin, Pele-i 56 buba Subroto Cup asayamong final nung tongti tesemdanger asütsütsü asoshi India-i arutsü renemba osang ka asayamong tayongeri tanü Hombar nü metetdaktsüogo.
Küm 38 tejaklen India semdangba sülen Pele tan mezüngsüa India semdangtsü sentong renemer lir.
Arishi küm 74 tain Pele-i par America nung tentetba New York Comos telok aser Kolkata nung tentetba Mohan Bagan telok na tsüngda goal 2-2 agüja draw nung tembanga asayaba friendly asaya nung shilem agitsü asoshi Septembe 24, 1977 nung India semdanga liasü.
1958, 1962 aser 1970 FIFA World Cup takok marok agizüker, Pele-i taruba October ita 15 nü India tonga aruba sülen tasüng, October 16 nü asayaba Subroto Cup final nung tongti tesemdanger ama shilem agitsü.
Tan September 11 nü nungi taruba October 16 nü tashi asayatsü ayongba Subroto Cup asayamong nung Pele-i küm 20 shi züngsemba Santos FC telokia shilem agitsü renema lir.