‘Knives Out’ nung Michael Shannon anioktsü jembidar

Mongputeni/October 09 (Agencies): Rian Johnson indang taruba film “Knives Out” nung actor Michael Shannon anioktsü atema tejembidak lir.
Taruba film nung Daniel Craig aser Chris Evans nati tongti shilem agitsü, ta Variety sangdong ajanga metetdaktsü.
Johnson-i iba project zülua direct asütsü aser Ram Bergman den külemi iba film produce asütsü ternemba lir.
Tang tashi nung film yanglurtemi Shannon nem koba character shilem agidaktsütsü, iba osang tejangjabo mali.
Craig-i pa indang taruba James Bond film tangok metenzükdang film yanglurtemi iba project Yimpoksüi/November 2019 nung tangok tenzüktsü ternemba lir.
Taoba mapang Shannon-i Zack Snyder indang ‘Man of Steel’ film nung General Zod aser Guillermo del Toro indang ‘Best Picture’ sempet anguba film ‘The Shape of Water’ nung Richard Strickland shilem agiba ajaki nguogo.
Oscar-nominee asüsang Shannon-i taküm tashi nung Afghanistan war drama 12 Strong, HBO indang Fahrenheit 451 TV movie aser small screen miniseries Waco nung shilem agiogo.