Honda CR-V SUV tasenba India nung sayaogo

Mongputeni/October 9 (Agencies): Japan indang automobile yangluba company Honda-i parnok indang premium SUV CR-V version tasenba Sangtennü/Tuesday India nung sayaogo. Iba SUV jenjang sen lakh 28.15 aser sen lakh 32.75 (ex-showroom) tsüngda tashi nung angutsü. CR-V generation pungububa 2-wheel drive petrol variant jenjang ya sen lakh 28.15 (ex-showroom) asütsü.
Kasa SUV model diesel variant den 2-wheel drive aketba jenjang ji sen lakh 30.65 (ex-showroom) aser all-wheel drive (AWD) option gari jenjang ya sen lakh 32.75 (ex-showroom) asütsü. Tang India nung Honda-i CR-V line-up atema diesel powertrain introduce asübaji mezüng lir.
Petrol variant gari nung 2-litre CVT (continuously variable transmission) engine 154 PS agütsür. 1.6-litre diesel variant nung nine-speed automatic transmission inoka yanglutsü. Petrol aser diesel version naprong nung automatic transmission keta aliba angutsü.
Honda-i CR-V model tasenba ya Greater Noida facility nung yanglutsü ternemba lir. 2003 küm iba model sayar külen nungi, shishilembadak company-i petrol ajanga tashi agütsüba CR-V garitem unit 17,500 tashi yokogo. Tang, India nung premium SUV segment tem talisa, Toyota Fortuner aser Ford Endeavour garitem angutsü.