SVEEP Campaign nung shilem ka ama Mon nung Marathon asemtep

Election Department, Mon ajanga “Clean and Ethical Election” omen nung ajemdaker Mongputeni/October 09, 2018 nü SVEEP campaig nung shilem ka ama marathon sentong ayonga agi. Iba asemtepba sentong ya ADC Mon, Kumar Ramnikant IAS-i flagged off asü.

Dimapur, Mongputeni/October 09 (TYO): Mon, Election Department-i “Clean and Ethical Election” omen nung ajemdaker SVEEP campaign nung shilem ka ama Mongputeni/Oct 9 nü marathon asemtepba sentong ka ayongzüka kaogo. Iba asemtepba ya ADC Mon, Kumar Ramnikant IAS-i tenzükja liasü.
Kumar-i o tatsüka jembiba mapang nung pai kaketshirtem dang takok angutsü mechi ochi mashi maparen mebenshitsü aser asaya nung shilem agirtem ajak ya takoker kaka ama züngshitsü asoshi ajungshi. Iba sentong nungsa Miss Mon 2018 Miss Easter aser Election Office Mon nungi Theanglih-i o tatsütsü jembia liasü. Marathon ya BRO camp Mon nungi tenzüka asem aser DC complex Mon nung tembang. Iba asemtepba ya tetsür aser tebur naprongla junior aser senior category lemsar asema liasü.
Junior boys category nung takokerji St John School nungi Daniel Konyak liasü aser Konjong School nungi A. Wanmai Konyak aser High School nungi Kantan Konyak nati tanabuba aser tasembuba jenjang angu. Junior girls category nungi takokerji Little Flower School nungi Ngeplong Konyak liasü aser la sülen tanabuba aser tasembuba jenjang nung Little Flower School nungi Wanjen Konyak aser St Joseph School nungi Aruni Mao liasü.
Kasa mapang nung senior boys category, Government Higher Secondary School nungi Manlang W-i akok aser pa sülen tanabuba jenjang nung St John School nungi M. Khamhi Konyak aser tasembuba nung Government High School nungi Tzemyuh Konyak liasü. Senior girls takoker Government High School ‘D’ Mon nungi Mercy liasü aser Government High School ‘D’ Mon nungi Ngonteih aser Government Higher Secondary School nungi L. Neivau Phom nati tanabuba aser tasembuba jenjang angu, ta DPRO Mon sangdong ka ajanga metetdaktsü.