Mokokchung MDDF-i DWO semdang

Mkg, Mongputeni/October 09 (TYO) : Tawa tentetba Mokokchung District Disabled Forum (MDDF)-i Mongputeni/October 5, 2018 nü DWO (welfare) Mokokchung office semdanga welfare officer den sensaksema liasü.
MDDF sangdong ka ajanga ashiba agi, iba senden nung office ketdangsertem den külemi forum nungi executive züngsemtem aruagi denogo.
Senden nung executive-i mata-mabensar temi timtem aser tetoktepba/tayongzükba balala ajuruba indang DWO dang shia liasü aser mata-mabensar indang welfare atema Forum nungita yaritsü asoshi ketdangser dang mepishi.
DWO-i Forum dang pelaba den külemi nüngdakba mapang pai takok tashi nüngita yaritsü asoshi metetdakja liasü. Paisa iba Forum ya tarutsü anogotem nunga takok nung aotsü moatsü.