Dimapur police-i ozüng alema inyakertem aika apu

Dimapur, Mongputeni/October 10 (TYO): 06/10/18 nü Dimapur police-i residential area ka nungi Motorcycle auyar kati scooty ka auyatsü lia apu; paji Lhomithi Colony Dimapur nung telidak aser Asukho Village, Zunheboto nungi Tolhobu Sikiba lir ta jangjaogo, iba dak sendakba nung Sub-Urban Police Station (SBN) nung ken o ka benoka bushisüngdangdar, ta Addl. Dy. Commissioner of Police/PRO, Dimapur-i sangdong ka ajanga metetdaktsü.
08.10.2018 nü nisung ka tenüng agi Tara Chand-i Walford Rajabari Complex Dimapur nung tauyadak mapang nung public-i apu, aser iba dak sendakba nung East Police Station nung ken o ka benoka bushisüngdangdar, ta sangdong nung shia lir.
Nisung ka tenüng Kahovi Aye-i mapang shia ozüng alema belenshiba (mozütem) kima nungi jail main security wall adena osettem nung merepdaktsü, aser 06/10/18 nü pai Spasmo mozü 430 merepdaktsüdang security guards-i apu; iba dak sendakba nung Diphupar Police Station nung ken o ka benokogo, ta sangdong nung shia lir.
06.10.2018 nü Pherema Village nung telidak aser Muzafapur, Bihar nungi nisung ka tenüng agi, Bikash Kumar -i ECI) four lane project indang road roller anishir ka dang nungi pilfered fuel (Diesel) alia lia (Kuki dolong village anasa) apu; iba dak sendakba nung Medziphema Police Station nung ken o ka benoka bushisüngdangdar.