Nisung ajak ‘Vegetarian’ akumtsü atema obendang agutsütsü makok: SC

New Delhi, Mongputeni/October 12 (Agencies): Tanü Supreme Court (SC)-i, linük nung nisung ajak vegetarian (süngolemba achirtem) akumtsü atema obendang agutsütsü makok, ta metetdaktsü.
Shi aser shiküp bendangleni yokba nokdangtsü atema temepishiba ken o ka agutsüba mapang nung Supreme Court-i ibaji metetdaktsü.
Justice Madan B Lokur-i akumba bench-i, “Nisung ajak vegetarian akumtsü atema obendang agutsütsü makok. Nenoki iba linük nung nisung ajak vegetarian kümdaktsüner asü?” ta asüngdang.
Iba onük ya maneni sangküm Tsüklai/February ita nung angadangtsü lemteta ayu.
Tang anogo 9 nü Navratri benjung mapang nung yakünü Hindu tentet balala nungi züngsemtemi lenmang nung shi ayokba dokantem tashiyim amshia shibangdakja liasü.
Osang angazükba agi, Hindu tentet, Sena nung inyakertem Palam Vihar nung adenshi aser Surat Nagar, Ashok Vihar, Sector 5 & 9, Pataudi Chowk, Jacobpura, Sadar Bazaar, Khandsa Anaj Mandi, Bus Stand, DLF area, Sohna aser Sector 14 nung aliba shi ayokba dokan ajak tashiyim amshia shibangdakja liasü.