Election Commission-i Aizawl semdangtsü

Aizawl, Mongputeni (October) 12 (Agencies): Mizoram nung election maparen inyakba reprangshimtsü atema Election Commission of India (ECI) teshimtet telok ka October 16 nü Mizoram-i arutsü.
ECI telok arutsü aliba atema chief secretary Arvind Ray menden ser high level committee ka tanü CS indang Conference Hall nung senden ka amen.
Senden nung Chief Electoral Officer SB Shashank-i ECI telok arutsüba indang osang tejangja metetdaktsü.
Chief Election Commissioner of India Om Prakash Rawat aser Election Commissioners ana Sunil Arora o Ashok Lavasa nungertem October 16 nü Aizawl atongtsü.
Par asem den Deputy Election Commissioner 4, Director Generals 2 aser tanga ECI ketdangsertem arutsü.
October 16 aser 17 anogotem parnoki political party, election letdangsertem, administrators aser media nisungtem den ajurutepa sendentem amentsü.
Mizoram assembly indang kümsük taküm December 15 nü tembangtsü aser iba atema November 28 nü assembly election agitsü.