Dimapur airport nung metsümeshidak yanglushitsü

Dimapur, Mongputeni (October) 12 (Agencies): Airports Authority of India (AAI)-i Dimapur airport nung sen crore 1.3 endoka metsümeshidak tajungba yanglushitsü.
Mapaji October 15 nungi tenzüktsü aser mezüng arrival & security area nung yanglutsü aser iba sülen public concourse & check-in area nung yanglutsü, ta AAI-i tanü sangdong ka nung metetdaktsü.
AAI-isa tayimtsü anendaki aruba passenger tem dang arrival gate jakdang yangluba aliba concourse mesüra portable toilet amshitsü aser taoertemi concourse nung aliba metsümeshidak amshitsü atema mepishia metetdaktsü.