DC temi lokti ajak registration agitsü tetuyuba agütsüogo

Dimapur, September 07 (TYO): Tejangja NGO tem dang Societies Registration Act, 1860 vide (Nagaland Third Amendment) Act 2008 (Act of 2009)-i melaba ama züluoka lir ta metettsü aser jangjatsü nükjidong nung Nagaland State nung aliba Deputy Commissioner temi lokti tentet ajak District Planning & Development Board (DPDB)-i temelaba agütsüba den pei DC-i sign asüba application ajanga shia aliba Act kübok sorkar den züluokang, ta iba sangdong ajanga metetdaktsür.

Koba application sa DPDB nungi temelaba mali sorkar nem agütsüdir, itemjibo magizüktsü, ta sangdong ajangasa ashi.