SVEEP atema Kohima District Core Committee senden amen

Kohima, Mongputeni/October 14 (TYO): Mongputeni/October 12, 2018 nü DC’s Conference Hall, Kohima nung Deputy Commissioner, Kohima, Rajesh Soundararajan IAS leniba nung Systematic Voters Education and Electoral Participation (SVEEP) atema Kohima District Core Committee mezüngbuba senden menogo, ta ketdangsertem osang ka ajanga metetdaktsü.
Senden nung lemtepba onüktemji- kibong kümer aliba tetsürtem anaben registration agiba jangjatsü, oversea Indian senso jangjaa enroll asütsü, asürtem tenüng indoktsü, vote agütsütsü temsüa alir Persons With Disability (PWDs) jangjateta registration agitsü liasü. PWDs dak sendakba nung AEO Kohima, Toshimeren-i, tang tashi nung PWDs züngsem 506 jangjaogo, ta metetdaktsü.
Kasa senden nung Electoral Roll nung PWDs mapping aser polling day nü parnok atema facilities asoshi jembia liasü.
Senden tembangba sülen Kohima DC aser Kohima DEO-i “Pledge to maintain clean Electoral Roll to facilitate free and fair Election” Signature Campaign tenzükja liasü.