Nagarjan apu nung gari mesenzüdaktsütsü

Dimapur, Mongputeni (October) 14 (TYO): Dimapur district administration-i Nagarjan apu nung gari mesenzütsü tenokdangba agütsüogo.
Nagarjan apu anasa lenmang anensar ta osang balala angazükba sülen district administration den technical nisungtemi tesem tonga oa reprangdangba sülen iba tetuyuba agütsür, ta Deputy Commissioner Sushil Kumar Patel, IAS-i taonung sangdong ka nung metetdaktsü.
Apu tasen yangluba ajanga approach road anensar aser iba ajanga lendong agütsütsü. Anungji, tang nungi iba apu adena gari mesenzütsü aser tanga osang ka mesangdong tashi senzüsenbongertemi tanga lenmangtem ajanga senzütsü mepishir, ta Dimapur DC-isa ashi.