Sindhu, Saina nati anir Denmark Open Badminton asayatsü

Odense, Mongputeni/October 15 (Agencies): Olympic medallists PV Sindhu aser Saina Nehwal nati anir India nunger asayartem Denmark Open badminton tournament nung asayatsü, koba Odense nung Sangtennü nungi tenzüktsü.
Iba asayamung nung Sindhu seed asembula asütsü saka world no.11 Saina bo unseeded asütsü.
Asayamung tetsür kija asaya mezüngbuba round nung Sindhu, USA tsür Beiwen Zhang den asayatsü aser kasa mapang nung Saina Hong Kong tsür Cheung Ngan Yi den asayatsü.
Tebur kija asaya nung world no.6 Kidambi Srikanth seed 7buba nung lir. Pa mezüngbuba round nung Denmark nunger asayar Hans-Kristian Solberg Vittinghus den asayatsü aser B Sai Praneeth China nunger Huang Yuxiang den asayatsü.
Ajisüaka India nunger tebur kija asaya Sameer Verma atema mezüngbuba round ajangtsü asoshi tasak asütsü kechiyong pa China nunger asayar third seed Shi Yuqi den asayatsü ataa lir.
Kasa mapang nung HS Prannoy mezüngbuba round nung Korea nunger sixth seed Son Wan Ho den asayatsü.
Commonwealth Games champion Parupalli Kashyap, shiba Amsterdam nung passport samaa liasü, pai Rogonü India sorkar teyari meshiogo, ajisüaka pa tebur kija asaya nung züngoksema mali.
Tebur tarep asaya nung India nunger tarep Manu Attri aser B Sumeeth Reddy na Denmark nunger asayar Kim Astrup aser Anders Skaarup Rasmussen na den mezüng asayatsü.
Kasa asayamung tarep temeyoktep asaya nung Ashwini Ponappa aser Satwiksairaj Rankireddy na Korea nunger tarep Seo Seung Jae aser Chae Yujung na den asayatsü.
Tetsür tarep asaya nung Ponappa aser N Sikki Reddy na mezüngbuba round nung America tsür Ariel Lee aser Sydney Lee den asayatsü.