MDFA: Grand Elite SC, SSS & Blue Intermingle-i takok angu

Mokokchung, Mongputeni/October 15 (TYO): Tang tasayadak MDFA Tentonü asaya mezüngbuba nung Grand Elite SC-i goal 4-0 agi Mosaic madak takok nguogo. Iba asaya nung L.Temjen-i minute 31, 36 aser 40buba nung goal asem idakja hat-trick ka agütsüogo aser par telok asoshi goal pezübuba ya Ating-i minute 57buba nung idakja liasü.
Asaya tanabuba NU Lumami aser SSS Blue na asayaa liasü. Iba asaya SSS Blue puri goal 1 agi kokogo. Asaya nung goal ka ya Angangbai minute 8buba nung idakja liasü. NU Lumami aser SSS Blue na kasa toktepa asayaogo, saka NU Lumami puri goal ka ya meküptoktet.
Tanü asaya tasembuba nung Intermingle-i goal 12-1 agi Hills XI ajemshia kokogo aser iba asayamung nung goal timtiba agütsüba telok rongnung parnoka ka kümogo. Asaya nung mezüngbuba goal ya minute ana tsüngda Limkumzuk-i idakja liasü aser iba sülen paisa minute 13buba nung goal ka idaktsü. Maneni asaya nung Yhunshalo-i goal pongu idaktsü aser pa iba asayamung nung goal timtiba agütsür asayar rongnung ka kümogo. Nungshimoa, Wapongtemjen, opanglemzung Golmei Ninja aser Bendangnukshi nungeria par telok asoshi goal kaka agüja liasü.
Asaya mezüngbuba shilem nung Intermingle puri goal 7 idaktsü aser asaya tanabuba shilem nung tanungba goal 5 ya idakja liasü. Hills XI pur atema goal ka ya Tsupongtemsui minute 54buba nung idaktsü.
Mongputeni/October 16 nü asaya yamai alitsü:
Kumlong SA vs. YA Marepkong
SSS Yellow vs. Telongjem
Friends United FC vs. Rongpang Reju