Morning Cup; Morung United final-i iogo

Kohima, Mongputeni/October 16 (TYO): Morning Football Association-i ayongba 3buba Morning Champion’s Cup semifinal asaya ka nung Morung United pur atema Atokito-i goal pongu idakja parnoki asaya kokogo.
Semi-final asaya tanabuba nung Morung United puri goal 5-2 agi Ziekezou Seniors madak takok nguogo.
Morung United pur atema mezüngbuba goal Atokito-i minute 18buba nung idaktsü saka Ziekezou Seniors pur atema Tesah-i goal ka idakja goal kasasa aküm.
Ajisüaka asaya tanabuba shilem nung Atokito-i minute 51, 55, 57 aser 68buba nung goal pezü idakja parnoki asaya akok.
Along-i minute 78buba nung Ziekezou Seniors pur atema goal tanabuba idaktsü saka parnoki tanungba goal meküptoktet.
Kasa mapang nung asayamung ayongertemi final aser tasembuba jenjang asoshi asaya ya Mongputeni/Oct 17 aser 18 nü Jakhama Local Ground nung asayatsü sangdongogo.