MDFA: YA Marepkong & Rongpang Reju-i takok angu

Mokokchung, Mongputeni/October 16 (TYO): MDFA Trophy 2018 asaya 17buba, YA Marepkong-i goal 2-1 agi Kumlong SA koka parnok asayamung nungi tugudaktsüogo. YA Marepkong nungi asayar Moasosangi minute 10 aser 41buba nung goal anaprongla idakja liasü. Kumlong SA pur atema goal ka ya Yangersosang-i minute 63buba nung idaktsü.
Tanü asaya tanabuba, SSS Yellow aser Telongjem FC na kanga toktepa asayar goal 0-0 nung tembang. Asaya nung Telongjem FC nungi asayar Longersunep nem yellow card ka agüja liasü.
Maneni asaya tasembuba nung Rongpang Reju-i goal 2-1 agi Friend’s United madak takok nguogo. Rongpang Reju captain Jungpetrong-i asaya nung mezüngbuba goal minute 34buba nung idaktsü. Asaya nung Friends United nungi asayar Takawati aser Jeminungsang na nem minute 7 aser 14buba nung yellow card kaka agütsü aser Rongpang Reju nungi asayar Aripong nema minute 11buba nung yellow card ka agüja liasü.
Rongpang Reju pur atema tanabuba goal ya penalty ka ajanga Jungpetrong-i minute 63buba nung idaktsü. Friends United FC pur atema goal ka ya Calvin Kent-i minute 70buba nung idakja liasü.
Mongputeni/October 17 nü asaya yamai alitsü:
Unicorn FC vs. Grand Elites SC
OCYU vs. Zonipang SA
Alwmpang YA vs. Hills XI FC