23buba Inter District cum Open TT c’ship tanü tenzüktsü

Kohima, Mongputeni/October 16 (TYO): Nagaland Table Tennis Association (NTTA)-i ayongba 23buba Inter District cum Nagaland Open Table Tennis Championship nung asayar 80 dak temai shilem agitsü.
Anogo asem nü asayatsü aliba asayamung ya Indoor TT Stadium Kohima nung Rasemnü 10:00 ako nungi tenzüktsü aser Advisor for Youth Resources and Sports, Zale Neikha host asütsü.
Asayamung dak sendakba nung osangbenertem den sensaksemba mapang NTTA vice president Vikuo Metha aser general secretary Swelul Pucho nati ashiba agi, Inter District competition ya team event ama asayatsü aser open category, tetsür tebur, junior aser youth asayatsü.
Tang tashi nung Inter District event atema district ti züngokogo, ta paisa ashi.
Iba asayamung ya state nungi asayartem temaba jenjang nung asayatsü asoshi ternemshiba ka asütsü, ta Pucho-i ashi. Asayamung shibangba sentong Mongputeni/October 19 nü akatsü.