19th NSF Martyrs’ Memorial Trophy : Centurion FC aser Senapati FC semi-final-i igo

Kohima, Mongputeni/Oct 16 (TYO): NSF asayamung QF asaya tatembangbuba asaya ana koka Centurion Football Club Kohima aser Senapati FC Manipur na Semi-final-i iogo
QF asaya tasembuba nung Centurion FC Kohima-i goal ka agi Kohima Eagles madak takok angu. Asaya nung goal ka ya Imlongchaba-i minute 15buba nung idakja liasü.
Asaya nung Kohima Eagles nungi asayar Hekato Aye o Rhitso Mero aser Centurion FC nungi asayar Nighato Assumi, Rabindra Meitei, Imlongchaba aser Olando Yimchunger nunger nem yellow card kaka agüja liasü.
QF asaya tatembangbuba nung Senapati FC Manipur-i goal ka agi Saptiqa FC Zunheboto madak takok ngua SF tongtetogo. Senapati FC Manipur nungi asayar Nanda-i minute 13buba nung goal ka idakja par telok takoki ani.
Senapati FC nungi asayar Boris aser Saptiqa FC nungi asayar Aben & Luto Shohe nunger nem yellow card kaka agüja liasü.
Tanü asaya akokba sülen Senapati FC Manipur aser Centurion FC Kohima na Mongputeni/Oct 18 nü semi-final asayatsü.
Mongputeni/October 17 nü asaya:
Exhibition Match: Angami Students’ Union vs Naga Students’ Federation @ 10AM
1st SF: Tribal Brothers vs Meriema VYO @ 1:30PM