Jamie McDonnell-i WBA belt maneni ayutsü jenjang angur

London, September 07 (Agencies): Britain nunger Jamie McDonnell-i Japan nunger Tomoki Kameda madak takok anguba sülen maneni World Boxing Association (WBA) bantamweight takokba belt ayutsü jenjang yashi Deobar nü nguogo.
Arishi küm 29 tain Jamie-i yashi points 117-110, 116-111, 115-112 ngua arishi küm 24 tain Kameda madak takok angu.
Jamie-i tan takok anguba ya densema ajak agi tetoktepba 19 buba atonga akoker lir.
Jamie-i temang touzük pound 115-126 taret shilem indang WBA takokba ya 2014 küm March ita mezüng ajangzük.
Kameda-i ita 6 tejaklena iba takokba agizüktsü nükjidong nung Jamie den toktepa tsüngtep saka pai Jamie madak takok mongutet.
Ano külen, tan tamakok ajuruba ya Kameda-i toktepa tsüngteptsü tenzüker tanü tashi nung 2 buba tamakok ajurur lir.