India nunger wako tulutiba Haj House, Mumbai nung sala

Mumbai, Mongputeni/October 17 (Agencies): India nunger wako tulutiba- tasazük 20×30 feet, ali nungi feet 350 ajungketer Mumbai nung aliba Haj House nung salaogo; iba wakoji Union Minister for Minority Affairs, Mukhtar Abbas Naqvi-i salaja liasü.
Chhatrapati Shivaji Maharaj Terminus (CSMT) anasa salaba wakoji linük nung wako tulutiba aser talangtiba nung salaogo.
Flag Company-i yangluba wakoji non-fading polyester agi yanglu aser Bandra-Worli Sea Link aser Mazagaon Docks nung aliba wako den kasa lir.
Ki tamentep 19 tashi aliba Haj House ya 1987 küm yanglua liasü, aser iba ki ya Haj temeshi aini aortem anenzüktsü atema yangluba lir.
Naqvi-isa Haj House tema nung ‘special viewers gallery’ ka semzüktsüogo, aser iba tesem nungjagi south Mumbai tesem ajak ayimjema angur.
Viewers gallery nungjagi CSMT, BMC Buildings, Gateway of India aser Victorian Gothic Art Deco district densema tesem aika angur.