Ngada Mini Hornbill Fest atema senden amen

Tseminyu, Mongputeni/October 17 (TYO): Tseminyu nung Yimpoksüi/November 27-28, 2018 anogotem nung Ngada Mini Hornbill Festival amongtsü aliba dak sendakba nung tanü ADC Tseminyu, Nokchasashi Ao-i ayongzüka DBs customary building, ADC’s office Tseminyu nung senden ka ayongzüka menogo, ta ketdangsertem osang ka ajanga metetdaktsü.
Iba senden nung Ngada Mini Hornbill Festival committee züngsemtem aser office balala nungi tekolakpurtem dena liasü.
Iba senden nung mendenbuba ADC Nokchasashi Ao-i conveners aser committee balala nungi züngsemtem dang parnok nem lemzüktsüba mapa kanga nendaka inyaktsü mepishia metetdaktsü.
Taruba sendenji Mongputeni/October 30, 2018 nü amentsü, ta metetdakja mendenbubai züngsem ajak dang medema adentsü mepishia metetdaktsü.