Kohima traffic atema sangdonger

Kohima, Mongputeni/October 17 (TYO): Kohima jila nung gari senzüsembongba nung timtem malitsü atema High School junction nungi Sanuoru subway ajanga Assembly Secretariat tashi lenmangji anepdang 9:00 ako nungi nikongdang 2:00 ako tashi gari tilatem atema dang lapoktsütsü (down traffic atema dang/one way), ta tanü Addl. Superintendent of Police & PRO, Kohima-i sangdong ka ajanga metetdaktsü.
Iba lenmang nung heavy/medium gari senzütsü memelatsü, iba denji külemi temaleni atuba gari ajakji kasa mapang nung Billy Graham road ajanga dang senzütsü, ta kasa sangdong ajanga metetdaktsü.