Mkg Sr. Treasury Officer ajanga sangdonger

Mokokchung, Mongputeni/Oct 17 (TYO): Mokokchung Senior Treasury Office nungi pension agirtem ajak October 22 nungi Oct 25 tashi, anepdang 10:00 ako nungi nikong 2:00 ako tashi pensioner-tem verification agitsü, ta Mokokchung Sr. Treasury Officer, Toshizemba-i sangdong ka ajanga metetdaktsüogo.
Anungji, iba dak sendakba nung pensioners ajaki Identity Card “D” den Life Certificate koba Treasury Office nungi agütsür, ibaji dena bener arutsü metetdaktsür. Verification magirtem pension sen merenemtsütsü, ta paisa metetdaktsü.