Tanur lakh 3 tema nem MR mozü agütsüogo

Dimapur, Mongputeni (October) 17 (TYO): Nagaland MR Vaccination Campaign anogoshia tajungba inyaka arudar aser tang tashi nung tanur lakh 3 dak tema nem mozü agütsüogo.
October 16, 2018 nü district pezü nungi osangtem aruba bendener Nagaland nung tanur 3,05,948 nem MR mozü agütsüogo, ta Mission Director NHM, Dr. Kevichusa Medikhru-i ashi.
School 2,632 aser outreach sessions 906 nung tanurtem nem MR mozü agütsüogo. Tang tashi nung nübortemi mozü agitsü atema tanurtem anir aruba aser health workers-i anibelem arema inyakba ajanga tanur aika Measles aser Rubella tashidak anema mozü agütsütetogo, ta paisa ashi.
Ita 9 tain kinü tanur nungi tenzüker arishi küm 15 tain tanur dak nungi Measles aser combat Congenital Rubella Syndrome agientsü atema mapa inyakba nung Administration, Police, Assam Rifles, allied departments aser civil societies-i yaritepba atema Department-i pelaba metetdaktsü.