Temelaba malirtemi sorkar indang gari anitsü makok

Dimapur, Mongputeni (October) 17 (TYO): Sorkar ketdangsertem nem gari agütsüba aika tanurtem/ temelaba maliba nisungtemi anir senzür aser ibaji sorkar ketdangser indang official duty nung amshitsüba alema inyakba mapa ka lir, ta Transport Department-i office memorandum ka nung metetdaktsü.
Sorkar gari lemzüka aliba ketdangsertemi ajaki pei tanur/temelaba maliba nisungtem anir mesenzüdaktsütsü atema tetuyuba agütsür, ta Transport Department-i ashi.
Aibelenba putetra iba ketdangseri tebilemtsü khuretji abentsü, ta parnokisa shisem.