CYMA-i Mizo nunger sobaliba sübotsütem kümzüka ayur

Aizawl, Mongputeni (October) 19 (Agencies): Central Young Mizo Association (CYMA)-i Hokolbarnü Mizo nunger sobaliba sübosolemtsü indang temeten agitsü telemtetba agi aser parnokisa state sorkar dang Social Customs Bill yangluang ta ashitsü lemtet.
“CYMA lokti senden nung Mizo nunger sobaliba sübosolemtsü ya fashion industry ajanga lendong bentsür arutsü ta jembitep aser iba jagi kümzüka ayutsü atema ‘patent’ asütsü lemtet” ta CYMA sangdong ka nung metetdaktsü.
CYMA ya Mizoram nung NGO tulutiba lir aser parnok züngsem 4, 27,393 lir. CYMA züngsemtem ya Assam, Meghalaya, Tripura, Manipur nunga lir aser Myanmar o Bangladesh nunga kongsangtem lapoka lir.
Mizo nunger aliba state aser linüktem nung CYMA-i Mizo nunger atema mapa inyaka arur.
Parnokisa state sorkar dang Social Customs Bill ka yanglutsü atema abentsü lemtet.
Iba bill ajanga Mizo tsür kari non- scheduled tribe nisung ka den kibong kümra, la dak nungi Scheduled Tribe jenjang agientsü temeten agütsütsü.