DCC Mkg Executive senden ayonger

Mokokchung, Mongputeni/October 19 (TYO): Mokokchung district Congress committee-i party jenjang asadangtsü aser party nung inyakertem den shisa lemsateptsü atema taruba ita district kübok ACCCs (Assembly Constituency Congress Committees) 10 prongla semdangtsü asoshi telemtetba agiogo, ta President, Watimongba Aier aser General Secretary (Admn), P.Aley nati sangdong ka ajanga metetdaktsü.
Iba dak sendakba nung o lemteptsü aser sentong yanglutsü atema Mongputeni/October 22, 2018 anepdang 10:30 ako nung Congress office nung DCC, Mokokchung Executive senden ka ayongzükogo, anungji iba senden nung DCC Office bearers ajak, district Mahila Congress committee officials, district nungi NPCC züngsemtem, DCC Advisors, Kisan Cell, Seva Dal aser frontal organization adentsü atema mepishia metetdaktsür, ta kasa sangdong nung shia lir.