LDPA Silver Jubilee amongtsü

Longleng, Mongputeni/October 19 (TYO): Longleng District Pensioners’ Association (LDPA) Silver Jubilee, Mongputeni/October 26, 2018 nü “Amazed Beyond Measure” omen nung ajemdaker amongtsü, ta tanü LDPA President, H. T. Longben aser Chairman, Jubilee Planing Committee, N. Chingpong Phom nati sangdong ka ajanga metetdaktsü.
Iba sentong nung tetushi tejaokerji Health & Family Welfare Minister, S. Pangnyu Phom asütsü aser B. S. Nganlang-i o tatsüka jembitsü.
Iba sentong ya anepdang 8:30 ako nungi PPC Hall construction site tasenba nung agitsü, ta kasa osang ajanga metetdaktsü.