DFL: Dorains o Vizheto FC nati takok angu

Dimapur, Mongputeni/October 19 (TYO): Dimapur Football League Rogonü mezüng asaya nung Dorians Society-i A1 Powerplay madak goal 2-1 agi takok ngua liasü.
Asaya tenzüker minute 31buba nung Dorains nungi asayar C. Meren-i mezüng goal idaktsü aser minute 34buba nung Powerplay-i pei sasa goal ka idakja liasü.
Minute 39buba nung Powerplay nungi asayar Ohito-i tekolak agi goal ka idaktsü.
Iba asaya nung C. Meren nem Man of The Match sempet aguja liasü.
Tanabuaba asaya nung P. Vizheto FC-i Chanan FC madak goal 3-1 agi koka liasü. Minute 38, 59 aser 63buba nung P.Vizheto nungi asayar Kato, Apeto aser Inito nungeri goal ka-ka indakja liasü.
Minute 51buba nung Chanan FC nungi asayar Crispin Kamson-i par telok atema goal ka idaktsü. Kamson nem Man of The Match sempet agüja liasü.
Maneni asaya dak mapet yimyatem amshiba ajanga P. Vizheto nungi asayar Tokugha aser Chanan nungi asayar Philimon na nem yellow card agüja liasü.
Iba asaya nung Nagaland Football Coaches Association, General Secretary, Ayeto Ayemi tetushi tesemdanger ama jaoka liasü.