Manipur nung Framework Agreement atema lokti sentong ayonger

Imphal, Mongputeni (October) 19 (Agencies): Manipur nung political party 15 tashi October Mass Rally 2018 nung adentsü nangzükogo.
Brihostibarnü Manipur Press Club, Imphal nung senden ka amendang political party balala nungi teshimtet nisungtemi tebilemba lemsatepba sülen October 31 nü sentong nung adentsü bangzüng ka renem.
October 31 nü rally ji ‘Manipur nung alirtemi taginüba metetdaktsütsü aser Manipur nung külemi alitsü aser tejakleni onüba sayuba” ta asüba omen nung ajemdaker agitsü.
Iba rally ya United Committee of Manipur (UCM) den CVO’s aser Manipur nung alirtemi pusema nungiter.
Sentongji Tiddim ground nung tenzüktsü aser Khuman Lampak main stadium nung tembangtsü.
Framework Agreement nung adenertemi yimjak nung onüktem metetdaktsütsü takhangba agütsütsü atema iba lokti sentong ayonger.
Yashi ayonga amenba senden nung NEIDP, BJP, CPI(M), BSP, MPP, CPI, LJP, Congress party, SIVA SENA, PRAJA, Trinamool Congress, Aam Aadmi Party, JDS, Democratic Bharatiya Samaj Party aser All India Forward Block (AIFB) teloktem aden.