Mizoram Assembly election atema MNF candidate tem metetdaktsü

Aizawl, Mongputeni (October) 22 (Agencies): Mizo National Front (MNF)-i Hombarnü Vanapa Hall nung November 28 assembly election atema candidate 39 tenüng metetdaktsü.
Party president Zoramthanga-i Aizawl East I constituency nungi aser taoba Congress minister tem- R Lalzirliana o Lalrinliana Sailo nema party ticket agütsüogo.
Aizawl nung sentong ka nung o jembidang taoba health minister aser MNF campaign chairman R Tlanghmingthanga-i ashiba agi, candidate tem rongnung tejak tasen 17 aser taoba MLA 17 lir.
Home minister nung anener R Lalzirliana nem Tawi AC nungi tokteptsü ticket agütsü. Pai INC nungi Rosiamngheta aser state BJP president Prof. JV Hluna na den tokteptsü.
Congress nung taoba health minister Lalrinliana Sailo-i Chalfilh AC nungi tokteptsü aser pai Congress züngsem tasen LT Hrangchal (retired IPS officer) den tokteptsü.
Aizawl FC kibur Robert Romawia Royte nem par home constituency Aizawl East II atema ticket agütsü. Pai tang teinyakdak finance minister Lalsawta den tokteptsü.
Taoba Mizoram home minister aser taoba MNF telungpur telok nung army tanishir Tawnluia-i Tuichang AC nung tokteptsü. Pai Congress candidate James Thanghmingmawia den tokteptsü.
MNF nung tang teinyakdak MLA K Sangthuama-i Aizawl West I menden tanaben angutsü atema merangtsü aser külen Lalruatkima-ia Aizawl West II nungi tasemben tokteptsü.
MNF-i aniba Aizawl Municipal Council nung councilor ana- deputy mayor Lalringliana-i Aizawl North I aser Laltlanzova Khiangte-i Aizawl North II nungi tokteptsü.