AIR nung Alobo Naga den sensaksem yoktsü

Dimapur, Mongputeni/October 22 (TYO): All India Radio, Kohima FM Tragopan nung, kentener, kenmejemer aser artist Alobo Naga den sensaksemba Mongputeni/Oct 23 nü nükongtsütsü 3:30 ako nungi tenzüka yoktsü.
Alobo Naga and the Band front man-i, MTV European Music Award nung 2012 Best Indian Act award agizükogo. Pai 2015 küm music tsütsü temaba jenjang tongtetba atema Governors Award agizükogo. Alobo-i national aser international jenjang nung shilem tajung agiba atema pa kanga nüngtugu kümogo.
Pa taküm indang aser taruba Thuwuni festival indang tali jangjatsü asoshi Dimapur nung FM Tragopan @103 MHz angar temi 100.1 MHz/103 MHz, Tening, Meluri aser Shamator@ 100.1 MHz, Phek@102.1 MHz aser Wokha nung alirtemi @101.8 MHz-i tune in süa angatettsü.