NSF-i Naga Club küm 100 ajungba benjung amungtsü

Dimapur, Mongputeni (October) 22 (TYO): Naga Club tentetba ya Naga nunger atema kanga dang tongtipang aser otsüsütsü tatalokba ka liasü, kechiyong iba ajanga asen maitsü jangja aser lokti den yimten tsütsü saksalemtsü tenük lapok, ta Naga Students Federation (NSF)-i metetdaktsü.
Naga nungeri iba tetushi aketba senmang amangtsüla aser mapang agia tesüiba meyipa reprangshitsü aser tarutsü atema nükla yur apusotsü atema pei taküm arokaroka bushidangtsüla, ta NSF-isa ashi.
NSF-i Naga Club tenteter küm 100 benjung amungba ya Naga Club indang kibur akümerba masü saka “Celebrating the Legacy” omen benjungerba lir, ta NSF-isa shisem.
October 22, 2018 nü NSF office, Naga Club Building, Kohima nung 2 buba Presidential Council senden amendang taoba mapang Naga Club indang küm 100 benjung amungtsü bangzüng renemba nungi masetshitsü telemtetba agiogo.
NSF-isa October 31, 2018 nü Naga Solidarity Park nung kaketshirtem, lanurtem aser Naga nunger ajak iba benjung nung adentsü atema mepishia metetdaktsü.
Tanü senden nung adenertem: Vice President , Ao Kaketshir Mungdang (AKM), Vice President, Angami Students’ union (ASU), President, Sumi Kiphimi Khukalu (SKK), President, All Zeliangrong Students’ Union (AZSU), President, Tangkhul Katamnao Saklong (TKS), President, Rengma Students’ Union (RSU), President, Lotha Students’ Union (LSU), President, Ckakhesang Students’ Union (CSU), Vice President, Pochury Students’ Union (PSU), President, Mao Students’ Union (MSU), President, Maram Students Union (MKS), President, Poumai Naga Tsudoumai Me (PNTM), President, Maring Students’ Union (MSU), President, All Moyon Naga Students’ Union (AMNSU), President, Monsang Naga Students’ Uniuon (MNSU), President, Lamkang Naga Students’ Union (LNSU), President, Anal Lenruwl Tangpi (ALT), President, All Naga Students’ Association of Manipur (ANSAM), President, All Nagaland College Students’ Union (ANCSU) aser President, Naga Students’ Union Delhi (NSUD).