Moreh nung rocket propeller bomb ka angu

Imphal, Mongputeni (October) 23 (Agencies): Manipur arrtsülen aliba Moreh jila nung Hombarnep rocket propeller bomb ka anguba ajanga nisungtem kanga aoksatep.
Indo-Myanmar arrtsü anasa tractor ka tsünglanglen bomb ji yua liasü, ta police-i ashi.
Yashinep 10:30 ako meta Moreh Bazaar Ward number 6 nung bomb ji angu aser nisungtem kanga aoksatep ta osang ka ajanga ashi.
Iba osang angashili police tesem tonga ao aser Manipur police nung bomb squad-i bomb raksa endok.
Holenphai tesem nung nikongtsütsü 2:45 ako meta bomb squad-i bomb ji raksa endok, ta police-isa shisem.