M. Noke Trophy Football asayamung Mongputeni 30 nü nungi tenzüktsü

Mongputeni/October 23 (TYO): Kanga dang yongya ataba inter club tournament, M. Noke Trophy Football asayamung ya Mongputeni/October 30, 2018 nü nungi tenzüka Mon local ground nung Mon District Football Association-i ayonga akatsü.
District nung tejangrar club temi Mongputeni/October 27 nü mesüra iba anogo matongdang registration fee ama sen. 5,000 agi register asütsü atema metetdaktsür. Iba registration fee ji non refundable alitsü.
Iba asayamung lapokba sentong nung Advisor DUDA, Bongkhao Konyak tetushi tesemdanger ama jaoktsü.
Asayamung nung takok anguba team nem senpet sen 1,25,000 den külemi trophy, runner up team nem senpet sen 80,000 den trophy aser kija nem sempet agütsüba dak alaka semi final tongtetta asayar team shia nem sempet sen 10,000 (each) agütsütsü renema lir.