Aamir Khan-i Chinese Film Regulator ketdangser den ajurutep

Beijing, Mongputeni/October 24 (Agencies): Bollywood actor Aamir Khan-i taoba hopta China film regulator ketdangser tongtitem den ajurutepa film yangluba tsütsü India aser China na tsüngda tesendaktep indang sensaksemogo.
Aamir-i “Dangal”, “Secret Superstars” aser “Three Idiots” nung shilem agiba atema pa China nung kanga nüngtugu lir.
China State Council, Information Office ajanga Aamir Khan aser Publicity Department of the Communist Party of China Central Committee, Executive Vice Head aser Director General of the State Film Administration, Wang Xiaohui na ajurutepba Sangtennü sangdonga liasü.
Tena Rogonü ajurutepa liasü.
Wang-i China nunger film tem renloka aoba indang rasaa ashiba den China aser India na tsüngda sobaliba melentepba den film tajung lemsateptsü aser film yangluba ren nung teka amteper anatsülen jenjang aketba film tali yanglutsü ajungshitsü lemsatep.
Actor-i ashiba agi, pai China film industry nung inyakertem den pa tajangshiba lemsatepner aser iba den film tajungba yanglutsü asoshi angazükner.