Make-up Line auyaba atema Kylie Jenner sue asü

Los Angeles, Mongputeni/October 24 (Agencies): Reality TV personality aser make-up mogul Kylie Jenner-i tanga cosmetic line ka auyaba atema ken o benokogo.
Sheree Cosmetics ta ser company kati Kylie aser lar company, Kylie Cosmetics-i parnok indang “Born to Sparkle” makeup line auyaba atema ken o benok.
Kuli kaket ajanga ashiba agi, Company pur parnok indang “Born to Sparkle” collection lir ta ashi Koba kasaji Kylie-ia Born to Sparkle” eyeshadow yanglu tenzük aser iba eyeshadow sentsü aser packaging yimya ajak parnok den mesüktepa lir.
Kylie indang birthday collection nung lip gloss, lipstick, lip liner aser glitter eyes densema lir koba Luroi/August 6 nü sayaa liasü. “Born to Sparkle” eyeshadow ya iba line nung shilem ka liasü.
Sheree Cosmetics puri ashiba agi parnoki trademark dak sendakba nung Luroi/Aug 30 nü ken o benok.
Sheree company puri kechiba ken o benok ajibo rasaa mashi saka parnoki ashiba agi iba ajanga parnok takoksa tulu ajuruogo.