Israel Aerospace Industries-i India atema missile defence contract angu

New Delhi/Tel Aviv, Mongputeni/October 24 (Agencies): Indian army indang rong tenet atema LRSAM air aser missile defence systems agutsütsü asoshi Israel Aerospace Industries (IAI)-i US sen million 777 contract nguogo.
Iba contract ya Bharat Electronics Ltd (BEL) ket nung lir, ta IAI-i metetdaktsü.
LRSAM ya Barak 8 family shilem ka lir, aser iba ya Israel navy den India navy, air aser land forces-i amshiba air & missile defence system lir.
IAI Chief Executive Officer, Nimrod Sheffer-i, “IAI aser India partnership ji akhidang nungi lir aser joko joint system development & production kümogo,” ta metetdaktsü.
“IAI atema India ya tongti market ka lir, aser tetoktepba aliba lima ka nung onoki India nung ozü jenjang junga amenokner,” ta paisa ashi.
Israel aser India lenirtemi linük ana tesendaktep tajungba akumtsü atema tezüngzüktep agiogo, yamaji linük anati aluyimba aser technologies nung kanga amalitepa inyaka arudar.
Israel ya India atema raraba hadir suppy agutsür tongti linük ka kümdar. India nem raraba hadir supply asüba tongti linük anaji United States aser Russia na lir.
Yaküma IAI-i Indian army aser navy nem missile defence systems agutsütsü atema US sen billion 2 shi jenjang contract yanglua liasü. Iba sülen Indian navy indang rong pezü atema Barak 8 surface-to-air missile systems agutsütsü asoshi BEL den US sen million 630 jenjang contract yanglua liasü.
Barak 8 ya IAI-i Israel nunger Defence Ministry, India nunger Defence Research & Development Organisation, linük anaprong indang navy, Israel nunger Rafael aser linük anaprong nungi local industries den senteper yangluba lir.