Peren nung Beti Bachao Beti Padhao sentong tenzükogo

Peren, Mongputeni/October 24 (TYO): Tanü town hall, Peren nung Beti Bachao Beti Padhao sentong tenzükogo, ta ketdangsertem osang ka ajanga metetdaktsü.
Onük jembidang Secretary, Social Welfare, Sarah R Ritse-i tetsür chanutem dang mapa meranga inyaktsüla, kechiyong tamakoktsü kecha mali, ta ashi.
Sentong nung Juliana Medom, Asstt. State Coordinator-i power point presentation ajanga tetsür chanutemji tebur den mebendangi shisaliok, rongsenkettsüng aser loktiliba ajak nung kasa züngshitsüla, aser kasa maongka agutsütsüla, ta ashi.
President, Zeliang Rong Mipui Organisation, Apeuna Iheilung-ia district balala nung tetsürtem jenjang indang tongmelang agi metetdakja liasü.
Chairman, Ward Chairman Union Peren Town-i district nung tetsürtem onük nung teburtem tangatetba melenshiba indang lemsatepa liasü.
Sentong nungsa Ipungchule, Orphanage Home Peren aser Children’s Home, Peren nung alirtemi ken ajanga shilem agi.
Iba sentong ya Sarita Yadav IAS, ADC Peren leniba nung agia liasü.