ANGPTA Mkg. Unit ajanga metetdaktsür

Mokokchung, October 24: All Nagaland Government Primary Teachers Association (ANGPTA) Central Body ajanga SDEO/DEO-tem ajak dang Department of School Education kübok Primary tesayurtem ya Association juri balaka aser Department kübok tanga Association kecha dena sendaktepa mali ta metetdaktsüogo.
Anungji ANGPTA Central Body tetuyuba ama All Nagaland Government Primary Teachers Association Mokokchung District-i memeti Primary Teachers dang association/NGOs shinga tenüng nunga sen memeshitsü mesüra mekatizüktsü Mokokchung district kübok aliba DDO dang ANGPTA Mokokchung District, President, Samuel Sumi aser General Secretary, Nukshitemjen nati agütsüba sangdong ka ajanga mepishia metetdaktsü.
ANGPTA Mokokchung District ajangasa tesayur kari danga temelaba kuli tejangja makai Primary tesayurtem dang sen sarusajiba nung teka yia inyakra iba tsütsü netdaka repranga atatsü aser kechi timtem ajurudir pei khuret asütsü tekümdangtsü metetdaktsü.