India aser Indonesia Defence Minister tem senden amen

Jakarta, Mongputeni (October) 24 (Agencies): India aser Indonesia tsüngda Bilateral Defence Minister’s Dialogue tanü Jakarta nung tembangogo.
India aser Indonesia tsüngda tesentaktep Comprehensive Strategic Partnership akümba aser May 2018 nung Defence Cooperation Agreement tasen ka yangluba sülen Minister of Defence Nirmala Sitharaman aser Indonesia Defence Minister Gen (Retd) Ryamizard Rycudu na tsüngda senden amen.
Mitkar o mitkar tsüngda tesentaktep tajung ayuba atema Nirmala-i pelaba metetdaktsü aser laisa Naval o Air Force exercise tenzükba den Services asem tsüngda Staff Talks mapang shia alitsü tebilemba lemsatep.
Item mapaji inyak nung dang linük ana tsüngda Armed Force tesentaktep akangshitsü, ta Nirmala-i shisem.
India Defence Minister-isa Coordinating Minister for Maritime Affairs Gen (Retd) Luhut Panjaitan aser Coordinating Minister for Political, Legal and Security Affairs Gen (Retd) Wiranto na den ajurutep.
World War II mapang Indonesia nung India sepaitemi taküm bendanga agütsürtem indang Memorial nung lai naro yua tetushi agütsü.