George Miller-i ‘Three Thousand Years of Longing’ direct asütsü

Mongputeni/October 26 (Agencies): Ajaki sapua reprangba ‘Mad Max: Fury Road’ film sayar küm asem ajungba sülen, tang film yanglur George Miller-i pa indang taruba project atema osang jangjatsüogo.
Deadline sangdong ajanga angazükba agi, ‘Three Thousand Years of Longing’ ta nüngja agütsüba taruba film atema Miller-i script zülutsütsü aser direct asütsü.
Film otsü dak sendakba osang tejangja aguja mali, saka Miller-i project ya “epic” ka asütsü, ta ashi aser film ya taruba küm nungi tangok tenzüktsü.
Doug Mitchell den longjema Miller-i iba film produce asütsü.
Mad Max: Fury Road film sayaba mapang nungi iba den sequel ka yanglutsü atema Miller-i jembia liasü.
Tang Miller ya okadak Warner Bros. den ken o tejembidak lir. Miller-i ashiba agi, iba studio yagi pa nem talila angutsütsü aliba sen tang tashi magütsü arudar.
Taruba project nung Tom Hardy aser Charlize Theron nati shilem agitsü ta taoba mapang metetdakja liasü.