Panasonic Eluga Z1 aser Z1 Pro sayaogo

Mongputeni/October 26 (Agencies): India atema Panasonic-i Eluga Z1 aser Z1 Pro ta nüng agütsüba smartphone tasen ana sangdongogo.
Eluga smartphone nung 2.5 curved metal design aser tasazük inch 6.19 indang HD+ display keta aliba angutsü. Smartphone anaprong nung 4000mAh battery ajanga tashi agütsür.
Iba den külemi phone anaprong nung AI enabled technology talisa AI Sense: Face Unlock feature inoka yanglutsüogo.
MediaTek indang Helio P22 processor ajanga Eluga Z1 phone anaprong ya power agütsür. Iba den yarisema phone nung AI-accelerated experience aser advanced photography feature keta aliba angutsü.
Eluga Z1 aser Z1 Pro smartphone tesülen 13MP+2MP AI-powered camera aser tejaklen 8MP AI-powered camera den flash inoka yanglutsü. Iba den bendenloksema, Eluga Z1 aser Z1 Pro nung bokeh, time lapse, slow motion, beauty mode, backlight, live photos, group selfie function densema camera mode aika keta aliba angutsü.
Smartphone naprong nung Facemoji feature inoka yanglutsü.
Eluga Z1 o Z1 Pro phone ya 3GB/32GB aser 4GB/64GB internal storage nung angutsü. Memory ulua aginürtemi 128GB tashi atsülanga amshitettsü.
Android 8.1 Oreo ajanga Z1 aser Z1 Pro run asütsü aser dual-SIM configuration keta lir.
Device anaprong nung ARBO Hub inoksema yanglutsü. AI-powered hub ajanga sabang kija ka nungi tamshirtemi services aser apps balala access sütettsü, aser recommendation asütsü atema Artificial Intelligence aser Machine Learning ajanga teyari agutsür.
Tang iba sabang nung ‘partner’ tem talisa, Accuweather, Uber, Ola, Newspoint, Mobikwik aser Gamezop densema lir.